ঘাইপথৰ বাবে ঠাই দিবলৈ এজন কৃষকে ৫০০ ফুট ঘৰ সলনি কৰে
দিল্লী-অমৃতসৰ-কটৰা এক্সপ্ৰেছৱেৰ বাটত সংগৰুৰ ৰোশনৱলা গাঁৱত নিজৰ পথাৰত নিৰ্মাণ কৰা গাঁথনিটো অহাৰ পিছতে সুখৱিন্দৰ সিং সুখী নামৰ এই কৃষকজনে ঘৰ সলনি কৰি আছে।
বাটৰ পৰা গাঁথনি ভাঙিবলৈ সুখী ক্ষতিপূৰণ দিবলৈ পঞ্জাৱ চৰকাৰ সাজু আছিল যদিও তেওঁ নাকচ কৰিছিল। তাৰ পিছত তেওঁ গোটেই ঘৰটো ভাঙি পেলোৱাৰ পৰিৱৰ্তে আন ঠাইলৈ স্থানান্তৰ কৰাৰ সিদ্ধান্ত লয়।
"দিল্লী-অমৃতসৰ-কটৰা এক্সপ্ৰেছৱে'ৰ বাটত অহাৰ বাবে ঘৰটো স্থানান্তৰিত কৰিছো। মোক ক্ষতিপূৰণৰ প্ৰস্তাৱ দিয়া হৈছিল যদিও আন এটা ঘৰ সাজিবলৈ ইচ্ছা কৰা নাছিল। মই প্ৰায় ডেৰ কোটি টকা খৰচ কৰি নিৰ্মাণ কৰিছো।"-সুখীয়ে এ এন আইক জনাইছে।
কৃষক গৰাকীয়ে কয়, "এই ঘৰটো নিৰ্মাণ কৰিবলৈ মোৰ দুবছৰ আৰু ডেৰ কোটি টকা লাগিছিল। এয়া মোৰ সপোনৰ প্ৰকল্প, মই আন এটা ঘৰ নিৰ্মাণ কৰিব বিচৰা নাছিলো।"
কৃষক গাঁৱৰ একাংশ নিৰ্মাণ শ্ৰমিকৰ সহযোগত ২৫০ ফুট দৈৰ্ঘ্যৰ ঘৰটো স্থানান্তৰ কৰা হৈছে, আৰু ৫০০ ফুটৰ লক্ষ্যত উপনীত হোৱাৰ বাবে কাম চলি আছে। ট্ৰিবিউনৰ মতে, ইয়াক ঘূৰাই অনাৰ কাম ব্যক্তিগত ঠিকাদাৰক দিয়া হৈছে। বিগত দুমাহ ধৰি চলি আছে আৰু সম্পূৰ্ণ হ’বলৈ আৰু দুমাহ সময় লাগিব। শ্ৰমিকসকলে প্ৰতিদিনে প্ৰায় ১০ ফুটমান লৰচৰ কৰিবলৈ সক্ষম হৈছে। ইয়াক স্থানান্তৰ কৰিবলৈ মুঠ খৰচ হ’ব প্ৰায় ৫০ লাখ টকা।
ঘৰটো পৰ্যটকৰ আকৰ্ষণৰ কেন্দ্ৰবিন্দুত পৰিণত হৈছে আৰু কেৱল কাম কেনেকৈ কৰা হৈছে চাবলৈ মানুহখিনি সেই স্থানত উপস্থিত হৈছে।
দিল্লীৰ পৰা পঞ্জাৱ হৈ জম্মু-কাশ্মীৰলৈ যাব বিচৰা যাত্ৰীসকলৰ সময় আৰু ধন ৰাহি কৰাৰ বাবে দিল্লী-অমৃতসৰ-কটৰা ৰাষ্ট্ৰীয় ঘাইপথৰ এক অভিলাষী প্ৰকল্প।
0 Comments:
Post a Comment